२०८३ भाद्र १० गते भोटेकोसी तथा त्रिशूली नदीमा आएको विनाशकारी बाढीका कारण दिवङ्गतहरूप्रति भावपूर्ण श्रद्धाञ्जली र घाइतेको शीघ्र स्वास्थ्य लाभको कामना सहित शान्ति समाजका काठमाडौँ,ललितपुर, रुपन्देही,सुर्खेत,पाल्पा, नुवाकोट, दाङ,बाके,सुनसरी,महोत्तरी,सल्यान  र गोर्खा शाखा द्वारा भाद्र २२ गते श्रद्धाञ्जली  दीप प्रज्वलन  

 सद्भाव प्रवद्र्धनका लागि राजनीतिक समाज र नागरिक समाजसहितको सहकार्यमा जोड

( २०८३ साउन देखि कार्तिक मसान्तसम्म हुने मानव अधिकार तथा शान्ति समाजको जिल्ला शाखाहरूको साधारण सभाको उद्घाटन सत्रमा प्रस्तुत अबधारणापत्र)

हिंसालाई बढावा दिने कुनै पनि प्रवृत्ति, प्रचलन वा परम्परालाई निरुत्साहित गर्ने उद्देश्यले तीन दशक अगाडि मानव अधिकार तथा शान्ति समाजको स्थापना भएको थियो । हिंसामुक्त समाजका लागि सद्भावयुक्त वातावरण अत्यावश्यक छ । तसर्थ शान्ति समाजको उद्देश्यमध्ये सद्भाव प्रवद्र्धन एक रहेको छ । शान्ति तथा अहिंसात्मक संस्कृति निर्माण र विस्तारका लागि सद्भाव प्रवद्र्धन अनिवार्य आवश्यकता हो । सद्भाव हाम्रो जीवन धारा भन्ने आह्वानसहित विगत तीन दशकमा शान्ति समाजले सद्भाव प्रवद्र्धन हेतु दर्जनौँ अभियान सञ्चालन गरिसकेको छ । समाज रूपान्तरणका लागि चालक शक्ति सदैव अहिंसा हुनुपर्नेमा शान्ति समाजले जोड दिँदै आएको छ । शान्तिको जग र अहिंसाको मुहान नै सद्भाव हो । दिगो शान्तिका लागि समुदायबीच स्थिर र सुमधुर सम्बन्ध सदैव अनिवार्य छ । सो का लागि सद्भाव तथा सहिष्णुता प्रवद्र्धन एवं हिंसा र घृणाको खारेजी आवश्यक छ । 

पछिल्लो चरणमा देशका केही भागमा घटेका घटनाहरू चिन्ताजनक छन् । राजनीतिक लगायत विभिन्न स्वार्थका खातिर सद्भाव भड्काउने गरी षडयन्त्र भइरहेकोतर्फ सजग हुनु आवश्यक छ । यस्ता घटनाको  पछाडि को छ ? जरो समेत पहिचान गरी प्रमुख पात्र र प्रवृत्तिलाई दण्डित गर्नु आवश्यक रहेको धारणा शान्ति समाज पुन दोहो¥याउँछ । 

सद्भाव प्रवद्र्धन हेतु सबै मिलेर अहिले धेरै पसिना बगाउन सकियो भने भविष्यमा धेरै रगत बग्ने छैन । सहिष्णुताका आदर्शहरूलाई प्रवद्र्धन गर्न सकियो भने हिंसा र घृणाले बास पाउने छैन । तसर्थ धार्मिक सद्भाव, जातीय सद्भाव, सामाजिक सद्भाव, राजनीतिक सद्भावलाई प्रवद्र्धन गर्न राजनीतिक समाज र नागरिक समाजबीच सहकार्य अहिलेको आवश्यकता हो । 

यही आवश्यकता मनन गर्दै शान्ति समाजले २०८३ साउन १६ गतेबाट “सद्भाव एकता अभियान” प्रारम्भ  गरेको छ । “हाम्रो जीवन धारा अहिंसा, शान्ति, सद्भाव, सहिष्णुता र भाइचारा, तोड्न होइन जोडनका लागि योगदान गरौँ, संवाद, सहमति, सहकार्यको मार्ग अवलम्बन गरौँ” भन्ने आह्वानसहित सुरु गरिएको यो अभियानको पहिलो चरणमा विभिन्न जिल्लामा सद्भाव एकता ¥याली सम्पन्न भइसकेको छ । यो अभियानलाई साथ दिन शान्ति समाज सबैलाई हार्दिक आग्रह गर्दछ । 

वर्तमान विश्वमा सामाजिक सञ्जाल÷सूचना प्रविधि जनजीवनको अभिन्न हिस्सा भएको छ । यस्तो प्रविधिको विवेक सम्मत प्रयोगले समाजलाई सही गति र दिशा निर्देश गर्दछ । तर सद्भाव बिथोल्ने र हिंसा भड्काउने जुनसुकै कृत्य अपराध हो । कुनै पनि हिंसा वा दङ्गा फसादका पछाडि भ्रामक समाचार र दुष्प्रचार जिम्मेवार रहँदै आएको देखिएको छ । तसर्थ मिथ्यालाई जडबाटै खारेज गर्नुपर्छ । घृणा र हिंसालाई बढावा दिने मिस इन्फरमेसन र डिस इन्फरमेसनमा संलग्नहरूलाई कानुन सम्मत दण्डित गर्नुपर्दछ । 

एकातिर अभिव्यक्ति स्वतन्त्रता आधारभूत मानव अधिकार हो तर घृणात्मक अभिव्यक्ति अर्थात् हेट स्पिच अभिव्यक्ति स्वतन्त्रता होइन, अपितु अपराध हो । शान्ति समाजले विगत लामो समयदेखि व्याख्यासहित यसबारे ध्यानाकर्षण गराउँदै आएको छ । 

आधारभूत स्वतन्त्रताको रक्षा राज्य, समाज सबैको प्रथम दायित्व हो तर स्वतन्त्रताको अर्थ स्वच्छन्दता र स्वेच्छाचारिता होइन । विज्ञान र प्रविधि समयको देन र सभ्यताको सौगात हो । त्यस्तो सौगातको समुचित एवं विवेक सम्मत प्रयोग हुनुपर्छ र सद्भाव र सहिष्णुता सदैव केन्द्र विन्दुमा रहनुपर्दछ ।

शान्ति समाजद्वारा तीन लाख सहयोग 

मानव अधिकार तथा शान्ति समाजले २०८३ भदौ १० गते रसुवाबाट शुरु भएको विनाशकारी बाढीबाट पीडितहरूको सहयोगका लागि रु। तीन लाख प्रदान गरेको छ । उक्त रकम प्रधानमन्त्री दैवी प्रकोप उद्धार कोषको राष्ट्रिय वाणिज्य बैकस्थित खातामा भदौ १५ गते जम्मा गरिएको हो । 

शान्ति समाजले स्थापना गरेको १४ वटा स्रष्टा सम्मान पुरस्कार यस वर्ष स्थगन गरिएको छ । सोही पुरस्कारहरूको लागि प्रत्येक वर्ष छुटाइएको २ लाख ८० हजार र समाजका महासचिव प्रकाश शाहीबाट प्राप्त २० हजार गरी कुल तीन लाख रकम बाढी पीडितहरूको सहयोग स्वरूप प्रदान गरिएको हो । पुरस्कार स्थापनार्थ अक्षयकोषमा सहयोग गर्ने समाजसेवी बद्रीप्रसाद पहाडीको परिवार, समाजका पूर्व सभापतिहरू गोविन्द खनाल, रामकृष्ण बराल र होमकान्त चौलागाई, पूर्व वरिष्ठ उपसभापति कृष्णबहादुर रावल र पूर्व केन्द्रीय सदस्य सुदीप रिजालको सहमतिमै उक्त रकम बाढी पीडितहरूको सहयोगार्थ प्रदान गरिएको हो । 

२०७२ सालको भूकम्प पश्चात् पनि पीडितहरूको सहयोगार्थ शान्ति समाजले प्रधानमन्त्री राहत कोषमा रु। दुई लाख सहयोग गरेको थियो भने २३ लाख ९० हजारको राहत सामग्री पीडितहरूलाई सोझै वितरण गरेको थियो ।

5. हाम्रो जीवन धारा: अहिंसा, शान्ति, सद्भाव, सहिष्णुता र भाइचारा !!तोड्न होइन जोडनका लागि योगदान गरौँ!संवाद, सहमति, सहकार्यको मार्ग अवलम्बन गरौँ !!

मानव अधिकार तथा शान्ति समाजको प्रतिनिधिमण्डलले २०८३ साउन २० गते राष्ट्रपति रामचन्द्र पौडेल र उप राष्ट्रपति रामसहाय प्रसाद यादव सँग भेटी सद्भाव र सहिष्णुता प्रवर्द्धनका लागि  शान्ति समाजले प्रारम्भ  गरेको तोड्न होइन, जोडन योगदान गर्न आग्रहसहितको सद्भाव एकता अभियानबारे अवगत गराएको छ । राष्ट्रपति कार्यालय महाराजगन्जमा भएको भेटमा राष्ट्रपति पौडेलले शान्ति समाजले लोकतान्त्रिक आन्दोलन, स्वतन्त्रता र शान्ति प्रक्रियामा निर्वाह गरेको भुमिका प्रसंशनीय रहेको भन्दै  सद्भाव प्रवर्द्धनको यस अभियानमा आफ्नो साथ र शुभकामना रहेको बताउनुभयो । यसैगरी उप राष्ट्रपति कार्यालय लैनचौरमा भएको भेटमा उप राष्ट्रपति यादवले सद्भाव र सहिष्णुता प्रवद्र्धन अहिलेको प्रमुख आवश्यकता भएको र सवैले त्यसैको लागि योगदान गर्नुपर्ने बताउनुभयो ।
साउन २० गते शान्ति समाजको प्रतिनिधिमण्डलले राष्ट्रिय सभाका अध्यक्ष नारायण दाहालसँग भेटी छलफल गरेको छ । सिंहदरबारस्थित अध्यक्षको कार्यकक्षमा भएको छलफलमा संसदले यस विषयमा राष्ट्रिय सङ्कल्प पारित गरी साझा धारणासहित सबै क्षेत्रसँग सहकार्यको अपेक्षा शान्ति समाजले गरेकोबारे ध्यानाकर्षण गराइएको थियो । साथै ४ महिनाको सरकारको कार्य सम्पादनबारे शान्ति समाजले प्रकाशित गरेको अवधारणा पत्रबारे पनि जानकारी गराइएको थियो 
प्रतिनिधिमण्डलहरूमा समाजका संस्थापक सभापति कृष्ण पहाडी, समाजका सभापति रेनुका पौडेल, पूर्व सभापतिहरू होमकान्त चौलागाई, रामकृष्ण बराल, संस्थापक सदस्य कृष्ण कँडेल, वाग्मती प्रदेश सचिव दिवाकर पुडासैनी, कोषाध्यक्ष चन्द्रमणी बञ्जारा, केन्द्रीय सदस्यहरु नम्रता खरेल, उमा गोतामे, रोजिना विष्ट, पूर्व कोषाध्यक्ष किरण ढकाल, काठमाण्डौ शाखा सभापति विकास थापा, उपसभापति सार्जन चापागाई सचिव रविना धमला, ललितपुर शाखा सभापति बाबुराम न्यौपाने, काठमाण्डौ शाखाका पूर्व सभापति ईश्वर पुडासैनी  लगायतको सहभागिता थियो ।